Бугун, 7 октябрь санасида Англия премьер лигаси 8-тури доирасида учта учрашув бўлиб ўтиши белгиланганди. Шулардан яна бири якунланди.
Лондоннинг «Челси» жамоаси сафарда «Саутҳэмптон» билан кураш олиб борди ва йирик 0:3 ҳисобидаги ғалабани қўлга киритди. Лондонликлар сафида Эден Азар 30-дақиқада ҳисобни очувчи голга муаллифлик қилди.
Иккинчи бўлимнинг 57-дақиқасида Росс Баркли ҳисобни 0:2 кўринишига келтирди.
Ўйиндаги сўнгги гол эса 90-дақиқада Альваро Мората ҳисобига ёзилди.
«Челси» мазкур ғалабадан сўнг 20 очко билан камида 2 соатга мусобақа пешқадамига айланиб олди.
Турнинг марказий ўйини эса бироздан сўнг бошланади. Унда «Ливерпуль» ўз уйида «Манчестер Сити»ни қабул қилади.
Англия премьер лигаси
8-тур беллашувлари
7 октябрь, якшанба
Изоҳ (0)