АПЛ. «Арсенал» Лондон дербисида ғалаба қозонди, Ляказетт ва Обамеянгда дубль, Рэмзидан эса супергол (видео)

Бугун, 7 октябрь санасида Англия премьер лигаси 8-тури доирасида учта учрашув бўлиб ўтиши белгиланганди. Шулардан биттаси якунига етди.

«Фулҳэм» Лондон дербисида «Арсенал»ни қабул қилиб, 1:5 ҳисобида мағлубиятга учради. «Канонирлар» таркибида Александр Ляказетт ҳамда Пьер-Эмерик Обамеянг дублга эришди. Яна бир гол эса Аарон Рэмзи номига ёзилди. Мезбонларнинг ягона жавоб голи эса Андре Шюррле томонидан киритилди.

Айни дамда Лондоннинг бошқа бир жамоаси «Челси» сафарда «Саутҳемптон» билан кураш олиб бормоқда. Турнинг марказий ўйини эса 20:30 да бошланади. Унда «Ливерпуль» ўз уйида «Манчестер Сити»ни қабул қилади.