Бугун, 7 октябрь санасида Наманганда вилоятнинг бош футбол жамоаси «Навбаҳор» клуби тизимида бир қатор ўзгаришлар рўй берди.
Бироз аввал ўзгаришларга бағишлаб ўтказилаётган тадбирда жамоанинг янги PR-директори оммага таништирилгани, унга кўра, «Навбаҳор»да эндиликда ушбу лавозимда актёр ҳамда футбол шарҳловчиси Алишер Узоқов фаолият олиб бориши ҳақида хабар берилганди.
Энди эса клуб жамоанинг янги бош мураббийини оммага таништирди. «Навбаҳор» жамоасини эндиликда «Манчестер Юнайтед» собиқ футболчиси Андрей Канчельскис бошқаради. Канчельскис Илҳом Мўминжонов ўрнига бош мураббий бўлди. Мўминжоновнинг истъэфоси ёки бошқа лавозимга ўтказилгани ҳақида хабар берилмаган.
«Навбаҳор»нинг янги бош мураббийи ҳақида маълумотлар:
Андрей Антанасович Канчельскис
Туғилган санаси: 1969 йил 23 январьТуғилган жойи: Кировоград, УкраинаФуқаролиги: РоссияФутболчиликдаги фаолияти: ярим ҳимоячи
Ўйнаган жамоалари: «Звезда», «Динамо Киев», «Шахтёр», «Манчестер Юнайтед», «Эвертон», «Фиорентина», «Рейнжерс», «Манчестер Сити», «Саутҳэмптон», «Ал-Ҳилол», «Сатурн», «Криля Советов»
Бошқарган жамоалари: «Торпедо-Зил», «Уфа», «Волга», «Юрмала», «Солярис».
Ютуқлари: Собиқ Иттифоқ чемпионати бронза медали (1989), Собиқ Иттифоқ Кубоги (1990), Европа Суперкубоги (1991), Англия чемпиони (1993, 1994), Англия кубоги (1994), Англия лига кубоги (1992), Англия Суперкубоги (1993, 1994), Шотландия чемпиони (1999, 2000), Шотландия кубоги (1999, 2000, 2002), Шотландия лига кубоги (1999, 2002), Саудия Арабистони кубоги (2003), Ёшлар ўртасидаги Европа чемпионати ғолиби (1990).
Изоҳ (0)