БААнинг Муҳаммад бин Рашид космик маркази ва Европа космик агентлиги битим имзолади. Унга кўра, агентлик БААнинг биринчи космонавтини тайёрлашда ёрдам беради. Бу ҳақда «РИА Новости» хабар берди.
Жорий йилнинг сентябрь ойидан буён Амирликларнинг икки нафар космонавти Россиянинг «Союз» космик кемасида ХКСга парвоз қилиш учун Юлдуз шаҳарчасида тайёргарлик ўтамоқда. Ана шу икки нафар номзод орасидан танлаб олинадиган БАА тарихидаги биринчи космонавт Россия ва АҚШ экипажи аъзолари билан бирга 2019 йилнинг 5 апрелида космосга йўл олади.
Шунингдек, битим агентлик томонидан Муҳаммад бин Рашид космик марказига Дубайдаги штаб-квартирадан космонавтлар билан тўғридан-тўғри алоқа ўрнатишга имкон берувчи технологияни етказиб беришни ҳам кўзда тутади.
Изоҳ (0)