BAAning Muhammad bin Rashid kosmik markazi va Yevropa kosmik agentligi bitim imzoladi. Unga ko‘ra, agentlik BAAning birinchi kosmonavtini tayyorlashda yordam beradi. Bu haqda “RIA Novosti” xabar berdi.
Joriy yilning sentabr oyidan buyon Amirliklarning ikki nafar kosmonavti Rossiyaning “Soyuz” kosmik kemasida XKSga parvoz qilish uchun Yulduz shaharchasida tayyorgarlik o‘tamoqda. Ana shu ikki nafar nomzod orasidan tanlab olinadigan BAA tarixidagi birinchi kosmonavt Rossiya va AQSh ekipaji a’zolari bilan birga 2019-yilning 5-aprelida kosmosga yo‘l oladi.
Shuningdek, bitim agentlik tomonidan Muhammad bin Rashid kosmik markaziga Dubaydagi shtab-kvartiradan kosmonavtlar bilan to‘g‘ridan-to‘g‘ri aloqa o‘rnatishga imkon beruvchi texnologiyani yetkazib berishni ham ko‘zda tutadi.
Izoh (0)