«Барселона» ва Мессига аталган Европа Чемпионлар Лигасининг 2-тури ҳақида (статистика)

Кеча, 3 октябрь санасида Европа Чемпионлар Лигасида гуруҳ босқиҳининг 2-тур ўйинлари ниҳоясига етди.

«B» гуруҳи фаворити сифатида эътироф этилган «Барселона» кеча Лондонда «Тоттенҳэм»ни 4:2 ҳисобида мағлуб этди. «Барса» сафида Лионель Месси дублга эришган бўлса, Филиппе Коутиньо ҳамда Иван Ракитич ҳам ўз номини таблога ёздириб қўйди.

Мазкур учрашувда «Барселона» футболчилари эътиборга молик бир нечта кўрсаткичларни қайд этди:

— Пике Чемпионлар Лигасида 100-ўйинини ўтказган 10-испаниялик футболчи бўлди;

— Месси фаолиятида илк марта ЕЧЛнинг дастлабки 2-турида 5 та гол уришга эришди;

— Ракитичнинг голи «Барселона»нинг ЕЧЛ тарихидаги 600-си бўлди. Мусобақа тарихида 600 лик маррадан «Бавария» (668) ва «Реал» (945) ўтган;

— Жорди Алба ЕЧЛда 6 йилда илк марта бир ўйинда 3 та голли узатмани амалга оширган футболчи бўлди.