«Монако» учун омадсиз мавсум. Жамоа кетма-кет 9-ўйиндан бери ғалаба қозона олмаяпти

Кеча, 3 октябрь санасида Европа Чемпионлар Лигаси «А» гуруҳи 2-тури доирасида Франциянинг «Монако» жамоаси сафарда «Боруссия Дортмунд»га 0:3 ҳисобида ютқазди. Шу тариқа француз клубининг ғалабасиз ўйинлар серияси кетма-кет 9 та ўйинга етди. Бу ҳақда «Sports.ru» хабар берди.

Шу билан бирга бу клубнинг кетма-кет қабул қилиб олган 3-мағлубияти бўлди. «Монако» янги мавсум бошидан бери фақат 1 та ўйинда ғалаба қозонди. Жамоа Франция чемпионатининг биринчи турида «Нант»га қарши ўйинда ғалаба қозонган эди. Шундан бери клуб ғалаба қозона олганича йўқ.