Бугун, 2 октябрь санасида Европа Чемпионлар Лигасида 2-тур баҳслари бошланди. Бугуннинг ўзида 4 та гуруҳда 2-тур ўйинлари бўлиб ўтди.
Жумладан, «H» гуруҳидан ўрин олган «Ювентус» Туринда Швейцариянинг «Янг Бойз» жамоасини қабул қилиб, йирик 3:0 ҳисобида мағлубиятга учратди. Учала гол ҳам туринликларнинг аргентиналик футболчиси Пауло Дибалага ҳисобига ёзилди. Шу тариқа Дибала Криштиану Роналду қатнашмаган баҳсда хет-трикни тантана қилди. Гуруҳнинг иккинчи ўйинида «Манчестер Юнайтед» ўз уйида «Валенсия»ни қабул қилиб, 0:0 ҳисобида дуранг қайд этди.
«F» гуруҳидан ўрин олган Хосеп Гвардиола бошлиқ «Манчестер Сити» Германияга сафар қилди. «Ҳоффенҳайм» «Сити» билан ўйиннинг 1-дақиқасидаёқ ҳисобни очди. Гол муаллифи Белфодил бўлди. 8-дақиқада Лерой Саненинг узатмасидан сўнг Серхио Агуэро ҳисобни тенглаштирди. Иккинчи бўлимнинг 87-дақиқасида эса Давид Силва «Ман Сити»га ғалабага келтирган голга муаллифлик қилди. Гуруҳнинг иккинчи ўйинида «Лион» ўз уйида «Шахтёр»ни қабул қилиб, 2:2 ҳисобида дуранг ўйнади.
«G» гуруҳидан ўрин олган мусобақанинг амадаги чемпиони «Реал Мадрид» Москвада ЦСКА меҳмони бўлиб, 0:1 ҳисобида ютқазиб қўйди. Ягона гол 2-дақиқада Влашич томонидан киритилди. Гуруҳнинг иккинчи ўйинида «Рома» «Виктория» дарвозасини жавобсиз беш марта ишғол қилди. Эдин Жеко эса хет-трикка эришди.
Қуйида бугун қайд этилган натижалар билан танишишингиз мумкин.
Европа Чемпионлар Лигаси
2-тур беллашувлари
2 октябрь, сешанба
«E» гуруҳи
АЕК — «Бенфика» 2:3
Голлар: 0:1 – 6 Сеферович, 0:2 – 15 Грималдо, 1:2 – 53 Клонаридис, 2:2 – 63 Клонаридис, 2:3 – 74 Алфа Семеду.«Бавария»—«Аякс» 1:1
Голлар: 1:0 – 4 Ҳуммелс, 1:1 – 22 Мазрауи.«F» гуруҳи
«Ҳоффенҳайм»—«Манчестер Сити» 1:2
Голлар: 1:0 – 1 Белфодил, 1:1 – 7 Агуэро, 1:2 – 87 Силва.«Лион»—«Шахтёр» 2:2
Голлар: 0:1 – 44 Мораес, 0:2 – 55 Мораес, 1:2 – 70 Дембеле, 2:2 – 72 Дюбуа.«G» гуруҳи
ЦСКА—«Реал Мадрид» 1:0
Гол: 1:0—2 Влашич.«Рома»—«Виктория П» 5:0
Голлар: 1:0 – 3 Жеко, 2:0 – 40 Жеко, 3:0 – 64 Ундер, 4:0 – 73 Клюйверт, 5:0 – 90 Жеко.«H» гуруҳи
Изоҳ (0)