Бош прокуратура ҳузуридаги Иқтисодий жиноятларга қарши курашиш департаментининг Яшнобод тумани бўлими бошлиғига ойлик «доля» таклиф қилган бозор директори қўлга олинди. Бу ҳақда прокуратура матбуот хизмати хабар бермоқда.
Мазкур тумандаги «Авиасозлар деҳқон бозори» акциядорлик жамияти директори Н.Э. бозор ҳудудида сотиладиган гўшт маҳсулотларининг ҳақиқий миқдори ва бозорнинг кунлик патта тушум пуллари ҳисобини назорат қилиб бормаслик эвазига департаментнинг туман бўлими бошлиғи Р.Э.га ҳар ойда 1500 АҚШ доллари пора беришни таклиф қилган.
Р.Э.нинг билдиргисига асосан департаментнинг Тошкент шаҳар бошқармаси ходимлари ва Яшнобод тумани прокуратураси ҳамкорлигида тезкор тадбир ўтказилди. Бозор директори 550 АҚШ долларини берган вақтида ашёвий далиллар билан ушланди.
Мазкур ҳолат юзасидан жиноят иши қўзғатилиб, бозор директорига нисбатан қамоқ эҳтиёт чорасини қўллаш масаласи кўрилмоқда.
Изоҳ (0)