21 сентябрга ўтар кечаси номаълум шахс Сурхондарё вилоятининг Музработ туманида яшовчи Б.Ж. исмли аёлнинг уйига очиқ қолган дарвоза орқали кириб, ҳовлисидаги қўйхонасидан 2 бош қўйни ўғирлаб кетди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Кўрилган чоралар натижасида ушбу жиноятни Б.Ж.нинг бирга яшовчи набираси, муқаддам судланган Ш.Ж. содир этганлиги аниқланиб, ушланди.
У билан олиб борилган тергов ҳаракатлари натижасида шу йил 14-сентябр куни «Дарбанд» МФЙ ҳудудида жойлашган «Пардақул Муҳаммад» фермер хўжалигининг дала майдонида қаровсиз қолдирилган, шу маҳаллада яшовчи Х.К.га тегишли «Кама» русумли велосипедни ҳам ўғирлаб кетганлиги аниқланди.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)