«Ўздонмаҳсулот» акциядорлик компанияси матбуот анжумани ўтказиб, қолипли нон нархининг ошиши ва унинг тез бузилиши сабабларини маълум қилди, деб ёзади «Podrobno.uz».
«Дон маҳсулотлари нархи узоқ вақтлардан буён ошмаган эди. Ушбу маҳсулотларни сотишдан тушган маблағ эса энди ишлаб чиқаришни реконструкция ва модернизация қилиш, янги технологияларни жорий этишга йўналтирилади. Бутун республика бўйлаб унга эҳтиёж 3 миллион тоннани ташкил қилади ва «Ўздонмаҳсулот» корхоналарида ишлаб чиқариладиган маҳсулотлар улуши 47 фоизга тенг. Республикада ун билан боғлиқ ҳеч қандай муаммо йўқ. Ҳозир юздан ортиқ хусусий корхоналар Қозоғистондан дон келтириб, шу тариқа аҳоли талабини қондирмоқда», — деди «Ўздонмаҳсулот» бош иқтисодчиси Эркин Эсонов.
«Ўзбекистонда — энг арзон нон. 1050 сўм ҳам нисбатан олиб қараса, қиммат эмас. Қўшни давлатларда буханка нон 2,5 минг сўмдан бошланади. Нарх электр токи ва бошқа кўплаб нарсалар нархи ошиши туфайли ўсди», — дея таъкидлади у.
«Нонларимизнинг асосий муаммоси — картошка касаллиги. Бу асосан ёзда баланд ҳарорат ва нотўғри транспортировка туфайли содир бўлади. Харидорлар кўпинча иссиқ нонни олиб, целлофан пакетга солиб қўяди, бу эса спора ҳосил қилувчи картошка таёқчаси ривожланиши учун аъло муҳитни яратади», — деди «Ўздонмаҳсулот» илмий-ишлаб чиқариш маркази мутахассис Саодат Қудратова истеъмолчиларга ноннинг кунлик меъёрини сотиб олишни ва уни совиганидан кейингина целлофан халтага солишни тавсия қилар экан.
Изоҳ (0)