1 октябрь — «Устоз ва мураббийлар байрами куни» муносабати билан Халқ таълими вазири Шерзод Шерматов ўқитувчилар байрамини нишонлаш бўйича қарорни имзолади. Бу ҳақда Sputnik хабар бермоқда.
Вазир республикадаги барча халқ таълими бошқарма раҳбарларига мурожаат қилиб, маълум тарғибот ишларини амалга оширишни йўлга қўйишни сўраган.
Жумладан, қарорга кўра, 25 сентябрдан 2 октябргача Ўзбекистонда «Устозингни табрикла» номли экоҳафталик ўтказилиши белгиланган. Ушбу ҳафталик доирасида таълим муассасаларида «Устозлар боғи»ни ташкил этиш учун ўқувчилар орасида «Устозимга аталган ниҳол» ва фахрий ўқитувчилар орасида «Устоздан боғ қолур» мавзуларида дарахт ва кўчат экиш акцияларини ташкил этиш белгиланган.
Фахрий ўқитувчилар ва мураббийлар хонадонларига боришни ташкил этиш ҳамда ўқувчи-ёшлар томонидан тайёрланган табрикларни #ustozingni_tabrikla! #pozdrav_svoyego_uchitelya! хештеги билан ижтимоий тармоқларга жойланиши белгиланган.
Изоҳ (0)