Avvalroq joriy yilning 22—23-sentabr kunlari Toshkentdagi Universal sport majmuasida taekvondo WTF bo‘yicha Janubiy Koreyaning O‘zbekistondagi elchisi kubogi uchun musobaqa bo‘lib o‘tishi haqida xabar berilgandi.
Musobaqaning tantanali ochilish marosimi bugun, 22-sentabr kuni Taekvondo WTF assotsiatsiyasiga qarashli Universal sport majmuasida bo‘lib o‘tdi. Unda Janubiy Koreyaning O‘zbekistondagi Favqulodda va muxtor elchisi Kvon Yon U ham ishtirok etdi. Ochilish marosimida Janubiy Koreyaning jahonga mashhur “Kukkivon” taekvondo markazi vakillari tomonidan tayyorlangan shou, ko‘rgazmali chiqishlar ham namoyish etildi.
Bahslarda O‘zbekistonning turli hududlaridan 350 nafardan ortiq saralangan sportchilar ishtirok etmoqda. Musobaqalar ertaga yakuniga yetadi.
Izoh (0)