Андижон вилоятида фойдаланилмаётган ишлаб чиқариш майдонлари ва ер участкалари негизида қўшимча равишда кичик саноат зоналари ташкил этилади. Бу Вазирлар Маҳкамасининг «Тадбиркорлик субъектларини Андижон вилоятининг кичик саноат зоналарига жалб этишга доир қўшимча чора-тадбирлари тўғрисида»ги қарорида кўзда тутилган.
Ҳудудда Андижон (1,1 га), Шаҳрихон (30 га), Қўрғонтепа (0,8 га) ва Балиқчи туман кичик саноат зоналари (4,8 га) ташкил этилади.
КЗСлар ҳудудидаги давлат кўчмас мулки тадбиркорлик субъектларига 10 йил муддат билан узоқ муддатли ижарага, кейинчалик уларга, бизнес режалари бажарилган, иш ўринлари ташкил этилган ва сақлаб қолинган, барча солиқлар ва бошқа мажбурий тўловлар ўз вақтида тўланган тақдирда мулк ҳуқуқи берилади.
Андижон вилояти ҳудудида фаолият кўрсатаётган ва янгидан ташкил этилаётган КСЗларда 2018—2019 йилларда умумий қиймати 300 миллиард сўм бўлган, импортнинг ўрнини босадиган ва экспортга йўналтирилган тайёр маҳсулотлар, материаллар ва бутловчи буюмлар турларини чиқарадиган ишлаб чиқаришлар ташкил этилади.
Изоҳ (0)