Nissan компанияси Европа космик агентлиги ходимлари ёрдамида Навара пикапини кўчма обсерваторияга айлантирди. Навара Dark Sky деб аталадиган намуна профессионал телескоп билан жиҳозланган ва Ганноверда тижорий транспорт кўргазмасига қўйилган. Бу ҳақда «Мотор» хабар берди.
Nissan Navara Dark Sky юлдузли осмоннинг энг аниқ харитасини тузиш бўйича лойиҳанинг бир қисми бўлди. Бунинг учун агентлик Gaia астрономик йўлдошдан фойдаланмоқда. Йўлдош Ерга яқин жойлашган миллиарддан ортиқ юлдуз бўйича дастлабки маълумотлар тўпламини жўнатган.
Nissan’нинг ғоясига кўра, бундай пикап астрономлар томонидан энг қоронғу осмон деб аталувчи жойга етиб боришда фойдаланилиши мумкин. Бундай жойда осмон сунъий ёритиш мосламалари таъсиридан максимал даражада холи ва осмон жисмларининг ёруғлиги юқори даражада бўлади.
PlaneWave телескопи ўрнатилган тиркама механик узатмали қоплама билан ҳимояланган. Юқори аниқликдаги оптикага таъсирнинг олдини олиш учун модулнинг ичи доимий совутиб турилади. Телескоп Сатурн айланаси ортини кузатишга ва узоқ галактикалар ва туманликларни кўришга имкон беради.
Пикап 190 от кучига эга 2,3 литр сиғимли двигатель билан жиҳозланган. Шунингдек, у кўчма аккумуляторлар блоки, Wи Фи алоқаси, ноутбук ўрнатиш учун станцияга эга. Трейлерни тўғри жойлаштиришга Nissan Intelлигент Мобилитй таркибига кирувчи тизимнинг камера ва сенсорлари ёрдам беради.
Изоҳ (0)