Фотогалерея: Иқтидори ташқи кўриниши каби беқиёс бўлган актёрлар

Ҳар бир одам ўзига хос ва такрорланмас бўлади. Баъзи актёрлар гўзалликдан йироқ бўлса ҳам, режиссёрлар уларнинг ўрнида бошқа кишиларни тасаввур қила олмайди. AdMe ана шундай актёрларнинг суратларини тақдим этди.

Винсент Скьявелли

Ноодатий ташқи кўринишга эга актёр ўз ҳаёти давомида 159 та фильмда суратга тушган. Фильмларидан иккитаси «Оскар»ни қўлга киритган.

Кристен Стюарт

Ташқи кўриниши Голливудга унча мос келмаса-да, актриса «Сумерки» фильмининг асосий қаҳрамонига айланган ва 50 дан ортиқ бошқа фильмларда суратга тушган. У Chanel ва Баленcиага брендларининг юзи ҳисобланади.

Стив Бушеми

Актёрга талаб жуда кўп. У 160 дан ортиқ фильмда суратга тушган бўлиб, асосан психолог ва жиноятчилар ролини ўйнаган. 2011 йилда жиноят олами етакчиси роли учун «Олтин глобус» мукофотини қўлга киритган.

Вупи Голдберг

Американинг «Оскар», «Греми», Эмми» ва «Тони» мукофотларини қўлга киритган кам сонли машҳурлардан бири, иккита «Олтин глобус», BAFTA ва шон-шараф аллеясида юлдузга эга.

Майкл Берриман

Актёр ангидротик эктодермал дисплазма билан туғилган. Бу камёб генетик касаллик оқибатида сочлар, тишлар ва тирноқлар умуман бўлмайди, шунингдек, пешона суяги катталашиб кетади.

Актёрнинг ноодатий ташқи кўриниши фантастика ва даҳшат фильмлар режиссёрлари эътиборини тортади. 69 ёшли актёр 90 дан ортиқ фильмда суратга тушган ва ҳамон бу ишни давом эттирмоқда.

Девон Аоки

Томирида япон, немис ва британ қони аралашган паст бўйли Девон моделлик, бизнес соҳаларида, кейин эса кинода муваффақиятга эришган.

Марти Фельдман

Ноодатий ташқи кўринишли актёр асосан комедия фильмларида суратга тушган. Шу билан бирга, у режиссёр, муваффақиятли сценарийчи ва шоир бўлган.