«Барон 2» фильмининг суратга олиш ишларига тайёргарлик кўраётган режиссёр Рустам Саъдиев «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.
Режиссёр «Барон 2» фильми «Снайпер», «Темур», «Scorpion», «Гардкам» фильмларига рақобатчи бўла оладими», мазмунидаги саволга қуйидагича жавоб берди.
Бу рақобат майдонида «Барон 2» бемалол ўз сўзини айтади. Муносиб сўзини айтади. Қўрқмасдан айтаман — ҳар биттасидан зўр қилиб сўзини айтади, мен бундан қўрқмайман. Чунки «Барон 2» фильмининг кўтароятган мавзуси дунёдаги глобал мавзу. Катта гапирмайман, «Барон 2» фильми бир неча йил давомида ёзилди, мулоҳаза бўлди, «Ўзбеккино»нинг кучли бадиий кенгаши томонидан жуда катта саволлар туғилди, ўша саволларга жавоблар топилиб, фильмнинг драматургияси нуқтайи назаридан, фильмнинг моҳияти, уни томошабинга нима бериши, фильмнинг дунё аренасига чиқиши бўйича қанақа саволлар бўлса барчасига бу фильмда жавоблар тайёрланган. Фильмда фақат яхши актёрлар жамоасини шакллантириб, фильмни суратга олиб, уни томошабинга тақдим этиш қолди, холос.Маълумот учун, «Снайпер» фильмининг режиссёри Озод Шамс, «Темур» фильмининг режиссёри Нодир Мўминов, «Scorpion» фильмининг режиссёри Мухлиса Азизова, «Гардкам» фильми эса режиссёр Акром Исаков томонидан суратга олинган. «Темур» фильмининг премьераси август ойида бўлиб ўтган, қолган фильмларнинг премьераси кутилмоқда.Рустам Саъдиев, «Барон 2» фильмининг режиссёри
Изоҳ (0)