Лондоннинг «Челси» клубининг бразилиялик ҳимоячиси Давид Луиз жамоанинг янги устози Маурицио Саррининг ҳаёт фалсафаси ва футболга бўлган муносабати унга маъқул келаётгани ҳақида сўзлади.
«Аввалоси, Сарри – ажойиб инсон. Ўйлашимча, унинг ҳаёт фалсафаси ақлбовар қилмас даражада ажойиб, чунки у ҳар кунидан роҳат олишга ҳаракат қилади. У бахтли бўлишни истайди. Шу боис ҳам Сарри ҳаётида янги саҳифа очишни хоҳлаб, «Челси»ни қўлига олди. Ҳаётда муҳими эса ўзинг қилаётган ишни ёқтириш. Мен унинг фалсафасига ишонаман. Бундан ташқари, у ажойиб мураббий. Сарри кичик деталлар устида ҳам ишлашни ёқтиради. Унга интенсив ҳужумкор футбол ёқади. У ҳар ҳафта маълум рақибга тўғри келадиган янги ўйин режасини батафсил тузиб олади. Бу эса ҳозирда ажойиб тарзда ўз самарисини бериб турибди», — дейди Луиз.
Маълумот учун, «Челси» Англия премьер-лигасининг 5-туридан ўрин олган баҳсда ўз майдонида «Кардифф Сити»ни қабул қилади. Учрашув 15 сентябрь санасида бўлиб ўтади.
Изоҳ (0)