Тошкентдаги «Universal» спорт мажмуасида МДҲга аъзо давлатлар дўстона армиялари ўртасидаги армия қўл жанги мусобақасига старт берилди. Бу ҳақда Мудофаа вазирлиги матбуот хизмати хабар берди.
Мусобақани Ўзбекистон мудофаа вазирининг тарбиявий ва мафкуравий ишлар бўйича ўринбосари полковник Азизбек Икрамов очиб берди.
Шундан сўнг Тошкент ҳарбий округи ҳарбий хизматчиларининг, шунингдек, спортнинг турли йўналишлари бўйича Мудофаа вазирлиги спорт клубининг болалар спорти мактаби тарбияланувчиларининг кўргазмали чиқишлари томошабинлар эътиборига ҳавола этилди.
Ўзбекистон Республикаси Қуролли Кучлар Марказий ашула ва рақс ансамблининг чиқишлари ҳамда иштирокчи давлатларнинг халқ қўшиқларини ижро этиб, йиғилганлар кайфиятига ўзгача руҳ бағишлади.
Эслатиб ўтамиз, Тошкентда ўтказилаётган мусобақада Россия, Беларусь, Қозоғистон, Қирғизистон, Тожикистон ҳамда Ўзбекистоннинг қўл жанги спорти усталари иштирок этмоқда.
Изоҳ (0)