Профессионал теннисчилар ассоциацияси (ATP) ҳафталик янги рейтингни эълон қилди, деб хабар беради «Оламспорт».
Янгиланган рейтингда Ўзбекистоннинг биринчи рақамли теннисчиси Денис Истомин Чикагодаги «Челленжер» мусобақасидаги ғолиблик сабаб 16 поғона юқорига кўтарилиб, айни пайтда роппа-роса 60-ўринни эгаллаб турибди. Дениснинг очколари 884 тага етди.
Ўзбекистонлик бошқа теннисчилар — Жўрабек Каримов 434, Санжар Файзиев 516, Ҳумоюн Султонов эса 536-ўринни банд этган. Дунё рейтингини ҳамон катта фарқ билан Рафаэль Надал бошқариб бормоқда. US Open—2018 турнирида бош мукофотни қўлга киритган Новак Жокович 3-ўринга кўтарилиб олди.
Изоҳ (0)