General Motors компаниясининг моделлар қаторини янгилаш борасидаги глобал стратегиясига мувофиқ, Chevrolet Captiva автомобилини GM Uzbekistan АЖ ишлаб чиқариш қувватларида йиғиш якунланишини маълум қиламиз, деб «Дарё»га хабар берди компания матбуот хизмати.
Шу муносабат билан ушбу моделдаги автомобилларни етказиб бериш бўйича шартномаларга аризаларни рўйхатдан ўтказиш бугундан тўхтатилади.
GM Uzbekistan АЖ диллерлик корхоналари билан биргаликда Chevrolet Captiva русумидаги автомобилларга тузилган шартномалар учун истеъмолчилар олдида ўзининг мажбуриятларини йил охиригача тўлиқ етказиб берилишини таъминлайди.
Таъкидлаш жоизки, Chevrolet Captiva автомобили мамлакат бозорига кириб келганига роппа-роса 11 йил тўлди. Илк бор Captiva автомобилини Ўзбекистонда йирик тармоқли йиғиш 2007 йилнинг октябрь ойидан бошланган. 2011 йилнинг сентябрь ва 2017 йилнинг февраль ойларида автомобилнинг янгиланган модели чиқарилган.
Эслатиб ўтамиз, GM Uzbekistan Spark автомобилини ишлаб чиқариш ҳажмини ошириши ҳақида маълум қилинган эди.
Изоҳ (0)