Ижтимоий тармоқларда тиззасига ёш болани ўтқазиб, Spark машинасини ҳайдаб кетаётган аёл акс этган видео тарқалди. Бу ҳақда Тошкент шаҳар ИИББ матбуот хизмати хабар бермоқда.
Видеода аёл бунга танбеҳ берган бошқа ҳайдовчини ҳақоратлаётгани, ножўя қилиқлар қилгани тасвирланган.
Матбуот хизматига кўра, видеодаги аёлга нисбатан чоралар кўрилади. Ҳозирда Тошкент шаҳар ИИББ ЙҲХБ унинг шахсини аниқлаш билан шуғулланмоқда.
ИИББ 12 ёшгача бўлган болаларни мотоциклнинг орқа ўриндиғи ва енгил автомобилнинг олд ўриндиғида болаларни ушлаб турувчи махсус воситаларсиз олиб юриш тақиқланиши, шунингдек, ҳайдовчи хавфсизлик камарини тақишга мажбур эканлигини эслатган. Бу қоидаларга риоя этмаслик жарима қўлланиши ва маълум муддатга ҳайдовчилик ҳуқуқидан маҳрум этишга олиб келиши билдирилган.
Энг асосийси, бундай ўзбошимчалик боланинг ҳаётини жиддий хавф остига қўйиш мумкин.
Изоҳ (0)