Аввалроқ GM Uzbekistan Мустақиллиги куни муносабати билан жорий йил 5 сентябргача дилерлик автосалонлари ишламаслигини маълум қилган эди. Бироқ мижозларга максимал даражадаги қулайлик яратиш мақсадида компания «45 дақиқа ичида автомобиль» дастурига мувофиқ автомобиль бозорлари ҳудудида «Очиқ осмон остидаги савдо майдончалари»ни ташкил этмоқда.
Илк савдо майдончаси Тошкент шаҳридаги Сергели автомобиль бозори ҳудудида ушбу дам олиш кунлари ташкил этилади. Савдога 1475 дона Spark Cobalt ва Lacetti автомобиллари қўйилади. GM Uzbekistan вакиллари керакли тавсияларни бериб, маҳсулот ҳақида батафсил маълумот тақдим этади.
Шунингдек, русумидан қатъий назар, автомобиль харид қилган мижозга велосипед совға қилинади. Яқин вақт ичида «Очиқ осмон остидаги савдо майдончалари» мамлакатнинг барча ҳудудларида ташкил этилиши кўзда тутилган.
Изоҳ (0)