9to5Mac нашри янги смартфоннинг эксклюзив фотосуратини эълон қилди, деб ёзади Tengrinews.
iPhone XS деб ном оладиган қурилма икки хил — 5,8 дюймли ҳамда 6,5 дюймли OLED-экранли моделда тақдим этилган.
Иккала вариант ҳам тилларанг тусда сотувга чиқади. Бундан ташқари, Apple 6,1 дюймли LCD-экранли яна бир смартфонни ҳамда корпуси ингичкароқ, дисплейи каттароқ бўлган Apple Watch Series 4 соатини тақдим этади. «Ақлли» соатларнинг ушбу линейкаси кўп сонли деталлари бўлган янги Watch Face циферблатларини қўллаб-қувватлайди.
Шу ва бошқа қурилмалар тақдимоти 12 сентябрь куни Apple’нинг Купертинодаги бош қароргоҳида бўлиб ўтади. Қурилмаларни ўша ҳафтанинг жума кунидан дастлабки буюртма билан сотиб олиш мумкин. Савдолар эса 21—22 сентябрда бошланиши кутилмоқда.
Изоҳ (0)