Ўзбекистоннинг Санкт-Петербургдаги Бош консуллиги бино ташқарисида ўз хизматларини таклиф этадиган шахслардан эҳтиёт бўлишга чақирди.
«Бош консуллик биноси ташқарисида у ёки бу масаланинг кўриб чиқилиши, бино ичига навбатсиз кириш, турли маълумотномаларни расмийлаштириш ва ҳоказо масалалар бўйича шубҳали (аксарият ҳолларда ноқонуний) таклифлар билан боғлиқ бўлган нотаниш шахслар хизматидан фойдаланишдан сақланишингизни сўраймиз», дейилади мурожаатда.
Бош консуллик ўз биноси ташқарисида кўрсатилган нусха олиш, бланк тўлдириш, суратга тушириш сингари хизматлар учун жавобгар эмаслигини билдирган.
Муассаса ходимлари Ўзбекистон фуқароларини фақат Бош консуллик биноси ичида қабул қилиб, ўша ерда уларга консуллик-ҳуқуқий хизматлари кўрсатишини маълум қилди.
Изоҳ (0)