Хантингтон шаҳридаги (АҚШ, Ғарбий Виржиния штати) WСАЗ телеканали об-ҳаво маълумоти дастури олиб борувчиси Челси Амбрис ҳамкасби Эрика Бивенсни калтаклаганликда айбланмоқда. Бу ҳақда «РИА Новости» хабар бермоқда.
Бивенснинг округ судига йўлланган шикоятида келтирилишича, унда можародан сўнг бош суяги синиши ва қулоқ пардаси йиртилиши қайд этилган.
Шаҳар полициясига кўра, икки аёл ўртасидаги жанжалга рашк сабаб бўлган. Бивенс Челсини эри Дональддан рашк қилади ва шу сабаб улар ўртасида муштлашув юзага келади.
Агар Амбрис айбдор деб топилса, унга бир йилгача қамоқ жазоси берилиши ва 500 доллар атрофида жаримага тортилиши мумкин.
Изоҳ (0)