Ямайка Олий суди мактабга соч ўримлари билан боришга рухсат берди
Ямайка Олий суди мактаб ўқучиларига ўқув муассасига махсус соч ўримлари — дредлар билан келишга рухсат берди. Бундай қарор беш ёшли қизчанинг онаси томонидан қилинган даъво ва нуфузли Кингстон умумтаълим мактаби сабабли қабул қилинган, деб ёзмоқда The Washington Post.
Шерин Вирго ўқиш бошланишидан олдинги ота-оналар мажлисида мактаб директори ундан боласининг бошидаги соч ўримларини кесиб ташлашни талаб қилганидан кейин судга мурожаат қилган. Директорнинг сўзларига кўра, мактабдаги бундай соч ўримларига тақиқ гигиена билан боғлиқ ва бит тарқалишининг олдини олишга қаратилган. Бироқ аёл раҳбариятнинг кўрсатмасини бажаришдан бош тортган.
Якунда бу иш Олий судгача борган. Суд эса қизга мактабга соч ўрими билан боришга рухсат бериш ҳақида қарор қилган.
