Европа Иттифоқи мамлакатлари ядро келишувини сақлаб қолиш мақсадида Эронга нисбатан санкцияларни енгиллаштиришга уринмоқда. Бу ҳақда Польша ташқи ишлар вазири Яцек Чапутовичнинг баёнотига таяниб, «РИА Новости» хабар берди.
Вазирнинг баёнотига кўра, Эронга нисбатан сиёсат юзасидан гап кетганда, Европа Иттифоқи мамлакатлари ва АҚШнинг фикрлари ўртасида фарқ кузатилмоқда. У ўз мамлакати АҚШнинг Эронга нисбатан санкция киритиш сиёсатини эътиборга олишини қайд этган. Чапутовичнинг фикрича, Эрон Яқин Шарқда маълум салбий рол ўйнамоқда.
Бошқа томондан, Европа Иттифоқи давлатлари ядро келишувини сақлаб қолмоқчи, шунинг учун санкцияларни енгиллаштириш мақсадида аниқ ҳаракатларни амалга оширмоқда.
Изоҳ (0)