Бугун, 30 август санасида Индонезиянинг Жакарта ҳамда Палембанг шаҳарларида XVIII ёзги Осиё ўйинлари давом эттирилмоқда.
Каноэда эшкак эшиш бўйича Ўзбекистон шарафини ҳимоя қилаётган Дилноза Раҳматова ва Нилуфар Зокирова жуфтлиги аёллар ўртасида 500 метр масофага ўтказилган баҳсларда маррага иккинчи бўлиб етиб келди ва Осиё ўйинлари кумуш медалига сазовор бўлди.
Шу тариқа мусобақанинг 12-куни Ўзбекистон учун 18-кумуш медаль билан бошланди. Бу орқали делегация медаллари 46 тага етди.
Изоҳ (0)