Бугун, 21 август куни Ёшлар пресс клубида Дин ишлар бўйича қўмита «Қурбон ҳайитини нишонлаш тўғрисида» брифинг ўтказилди. Бу ҳақда «Azon.uz» нашри хабар берди.
Маълум қилинишича, бугун, Қурбон ҳайитининг биринчи куни 21 августда соат тонгги 05:45 дақиқадан то 06:40 дақиқагача бўлган вақтда Республика минтақалари кесимида Ийд ал-Адҳо – Қурбон ҳайити намози адо этилди.
Республикада фаолият кўрсатаётган 2056 та масжидлардан 1982 тасида 1 миллион 903 минг 690 нафар фуқароларимиз Ҳайит намозини ўқидилар. Жумладан, Андижон вилоятида 170 та, Наманган вилоятида 183 та, Фарғона вилоятида 188 та, Сирдарё вилоятида 68 та, Тошкент вилоятида 223 та, Тошкент шаҳрида 106 та, Жиззах вилоятида 166 та, Сурхондарё вилоятида 107 та, Самарқанд вилоятида 273 та, Бухоро вилоятида 102 та, Навоий вилоятида 68 та, Қашқадарё вилоятида 182 та, Хоразм вилоятида 97 та ва Қорақалпоғистон Республикасида 50 та масжидларда Ҳайит намози адо этилди.
Тошкент шаҳрида 106 та масжидда 349 минг 390 нафар фуқаро Ҳайит намозида иштирок этди. Хусусан, Ҳазрати Имом мажмуасига 14 минг 373 нафар, «Минор» масжидида 12 минг 123 нафар, Кўкча масжидида 27 минг 225 нафар, «Ислом ота» жоме масжидида 10 минг 400 нафар фуқаро жам бўлди, дейилади хабарда.
Изоҳ (0)