Ўзбекистон ва Россия 3 октябрда ёшларнинг илк қўшма бизнес-инкубаторини ишга туширади. Бу ҳақда «Podrobno.uz» маълум қилди.
Инкубаторнинг очилиши Россия президенти Владимир Путиннинг Ўзбекистонга давлат ташрифи доирасида бўлиб ўтиши кутилмоқда.
Инкубаторнинг биринчи босқичида Россия ва Ўзбекистон ёшлари икки ҳафта давомида ҳамкорликда бизнес юритиш асосларини ўрганади, Белгород вилоятидаги корхоналар билан танишади ва ўзаро музокаралар олиб боради.
Бизнес-лойиҳаларни ҳимоя қилиш, ҳамкорлик келишувлари ва шартномаларини имзолаш ушбу фаолиятга якун ясайди.
Иккинчи босқичда бизнес-инкубатор ноябрь ойида Тошкентда ташкил этилади.
Изоҳ (0)