Туризмни ривожлантириш давлат қўмитаси раисининг биринчи ўринбосари вазифасини бажарувчи Улуғбек Қосимхўжаев Германиянинг Globalis Erlebnisreisen етакчи туркомпанияси раҳбари Хартмут Пил билан учрашди, деб ёзади Spot. Учрашувда «Ўзбекистон ҳаво йўллари» вакили ҳам қатнашди.
Томонлар Европадан сайёҳлар оқимини оширишга имкон яратувчи бир қатор масалаларни, хусусан, Франкфурт—Урганч—Тошкент—Франкфурт комбинацияланган йўналиши бўйича рейсларни ташкил этишни муҳокама қилди.
Дастлаб Ўзбекистонга ҳар бири 100 кишидан иборат 16 та гуруҳни жўнатиш режалаштирилмоқда. Ҳамкорликнинг кейинги босқичида Германиянинг турли шаҳарларидан Ўзбекистонга тўғридан-тўғри чартер рейслари очилиши мумкин.
Globalis Erlebnisreisen билан муваффақиятли ҳамкорлик 2016 йилгача давом этган ва техник сабабларга кўра тўхтатилган эди. Учрашув самарали ҳамкорликнинг қайта тикланишига имкон яратиши керак, унинг доирасида Европадан Ўзбекистонга фақат битта компания томонидан юбориладиган туристларнинг умумий сони 3 мингдан ошади.
Изоҳ (0)