2018 йилнинг 14 август куни Тошкент шаҳридаги Инҳа университетида Корея Республикаси ва Ўзбекистон Ҳукуматининг расмий вакиллари иштирокида дастлабки битирувчи талабаларнинг тантанали маросими бўлиб ўтди.
2014 йили Ўзбекистоннинг биринчи Президенти Ислом Каримов ташаббуси билан ташкил этилган Тошкент шаҳридаги Инҳа университети ҳозирда ахборот технологиялари соҳаси учун мутахассислар тайёрлайдиган етакчи университетлардан бири ҳисобланади.
Тантанали тадбирда қатнашиш учун Корея Республикасидаги Инҳа университетининг вице-президенти Чеонг ИнКё раҳбарлигидаги нуфузли делегация ташриф буюрди.
Тошкент шаҳридаги Инҳа университетининг «Компьютер ва дастурий инжиниринг» йўналишини 87 нафар талабалар битирди.
Барча битирувчиларга Тошкент шаҳридаги Инҳа университети ректори в.б. Музаффар Джалалов ҳамда Корея республикасидаги Инҳа университетининг вице-президенти Чеонг ИнКё икки университетнинг қўшма дипломини топширишди.
Тошкент шаҳридаги Инҳа университетидаги ўқиш давомида ўзини кўрсатган талабалар махсус сертификатлар билан тақдирланишди.
Бунёд Иброҳимов ва Юлдуз Хўжаева университетдаги ўқиш даврида қўлга киритган энг юқори баллари учун тақдирланишди. Азиз Сияев университетнинг ижтимоий ҳаётидаги фаол иштироки учун мукофотланди. Мухаммадали Хаётовни ахборот технологиялари соҳасидаги турли танловларда ғолиб чиқиб, университетнинг обрўсини оширгани учун тақдирлашди.
Тадбирда сўзга чиққан Корея Республикасидаги Инҳа университети вице-президенти Чеонг ИнКё, Тошкент шаҳридаги Инҳа университети ректори Музаффар Джалалов битирувчиларни қутлади
Изоҳ (0)