Қозоғистоннинг Тараз шаҳри фуқароси Ўзбекистондан келган меҳмон, қадрдон дўстининг олдида уялиб қолди, деб ёзади Tengrinews.
Маълум бўлишича, меҳмонга қадимий шаҳардаги турли ёдгорлик ва обидаларни кўрсатишган, кўнгилочар масканларга олиб боришган. Аммо дўсти уни қозоқ миллий таомлари билан меҳмон қилишни сўраганида мезбон ноқулай вазиятга тушиб қолган.
«Она шаҳримни беш қўлимдай яхши биламан, бироқ умрим бўйи бу ерда миллий услубда безатилган, қозоқ таомлари тайёрланадиган ресторан ёки кафени кўрмаганман. Аммо шаҳарда ўзбек палови, япон сушиси, кавказ кабоблари пишириладиган жойлар тиқилиб ётибди. Қозоқча таом ейиш учун эса уйга келишга мажбур бўламиз», — деди таразлик йигит.
Хабарда таъкидланишича, шаҳарга келадиган сайёҳлар Европа ёки Шарқ таомлари эмас, қозоқ таомларини қидиради. «Қозоқ ошхонаси турли ноз-неъматларга бой, афсуски уларнинг кўпчилиги унутилиб кетган», —дейилади хабарда.
Изоҳ (0)