Халқ депутатлари Уйчи туман кенгашининг навбатдан ташқари сессияси бўлиб ўтди. Бу ҳақда Наманган вилоят ҳокимлиги ахборот хизмати маълум қилди.
Сессияда ташкилий масала кўрилди. Кун тартибидаги масала юзасидан вилоят ҳокими Хайрулло Бозоров сўзга чиқди.
2017 йилдан бери вилоят экология ва атроф-муҳитни муҳофаза қилиш бошқармаси бошлиғи лавозимида ишлаб келаётган Муҳаммадаюбхўжа Апақов Уйчи тумани ҳокими вазифасини бажарувчи этиб тайинланди.
Маълумот ўрнида, Муҳаммадаюбхўжа Апақов 1968 йилда Наманган вилояти, Чортоқ туманида туғилган. 1994 йили Тошкент молия институти, 2004 йили Наманган давлат университети, 2008 йили Президент ҳузуридаги Давлат бошқаруви академиясини тамомлаган. Мутахассислиги иқтисодчи, ҳуқуқшунос.
Эслатиб ўтамиз, олдинроқ хизмат вазифаларига совуққонлик билан қараганлиги учун тумандаги «тўртлик» — туман ҳокими Абдуғани Турдиев, туман прокурори Бахтиёр Абдураҳимов, туман ички ишлар бўлими бошлиғи Равшан Юсубжонов ва туман давлат солиқ инспекцияси бошлиғи Расулжон Отахонов эгаллаб турган лавозимидан озод этилганди.
Изоҳ (0)