Россиялик болалар ёзувчиси Эдуард Успенский вафот этди, дея хабар бермоқда «ТАСС» унинг қизи Иринага таяниб.
Успенский 14 август куни кечқурун Новая Москвадаги уйида ҳаётдан кўз юмган. Сўнгги йилларда ёзувчи онкологик хасталикдан азоб чеккан. У 80 ёшда эди.
Эдуард Успенский «Тимсоҳ Гена ва унинг дўстлари», «Простоквашинодаги таътил», «Фёдор амаки, ит ва мушук» каби болалар китоблари шарофати билан танилган. Ушбу персонажлар ҳақидаги мультфильмларга сценарийнавислик қилган.
Унинг асарлари ва сценарийлари асосида 60 дан ортиқ мультфильмлар яратилган, улар орасида «Антошка», «Қувноқ карусель», «Ау амаки» ва бошқалар бор.
Изоҳ (0)