Мариника Бабаназарованинг Нукусдаги Савицкий музейи раҳбари лавозимига қайта тикланиши масаласи музейда бўлиб ўтаётган ҳатлов якунларидан сўнг ўз ечимини топиши мумкин. Бу ҳақда Маданият вазирлиги матбуот хизматига таяниб, Sputnik маълум қилди.
Таъкидланишича, Маданият вазири Бахтиёр Сайфуллаев қабулида бўлган бир неча фуқаро Игорь Савицкий номидаги Қорақалпоқ давлат санъат музейининг собиқ раҳбарини қайта лавозимга тайинлаш таклифи билан келган.
Вазир улар билан суҳбатда ҳозирги кунда барча музейларда инвентаризация ишлари амалга оширилаётгани, ҳатлов якунлангандан сўнг бу масала белгиланган тартибда кўриб чиқилиши мумкинлигини билдирган.
Маълумот учун, Мариника Бабаназарова 2015 йилнинг июль ойида қарийб 32 йиллик фаолиятидан сўнг Савицкий музейи раҳбари лавозимидан бўшатилганди.