Маданият вазирининг биринчи ўринбосари, Ўзбекистон халқ артисти Озодбек Назарбеков «Ўзбекконцерт»нинг тўй-ҳашамларда куйланадиган қўшиқлар рўйхатини шакллантириш режасини «шошилинч қарор», дея баҳолади. Бу ҳақда Sputnik хабар бермоқда.
«Ўзбекларда ‘сал шошиб қўйибди’ дейилади-ю. Мана бу ерда ижодкорлар ўтирибди, билишадики, санъат асарлари халқнинг фикридан келиб чиқиб танланмайди. Санъат асарлари халқ орасида тарғиб қилинади. Тўйда нимани ижро қилайлик, деган масалани халқга ташлашдан кўра, уни тарғиб қилиш тўғрироқ бўларди», — деди Назарбеков Тошкентда ўтказилган матбуот анжумани давомида.
Олдинроқ «Ўзбекконцерт» давлат муассасаси тўй-ҳашамларда куйланадиган қўшиқлар бўйича тавсиявий характерга эга бўлган махсус йўриқнома ишлаб чиқиш режасини билдирган эди.
Муассасанинг ушбу ғояси интернет фойдаланувчилари орасида қизғин муҳокамаларга сабаб бўлди. Facebook фойдаланувчилари «Ўзбекконцерт» бу кетишда яқинда «тавсия этиладиган келинлар рўйхати»ни шакллантиришига ҳам шубҳа қилмасликларини таъкидлади.
Изоҳ (0)