Rossiyalik bolalar yozuvchisi Eduard Uspenskiy vafot etdi, deya xabar bermoqda “TASS” uning qizi Irinaga tayanib.
Uspenskiy 14-avgust kuni kechqurun Novaya Moskvadagi uyida hayotdan ko‘z yumgan. So‘nggi yillarda yozuvchi onkologik xastalikdan azob chekkan. U 80 yoshda edi.
Eduard Uspenskiy “Timsoh Gena va uning do‘stlari”, “Prostokvashinodagi ta’til”, “Fyodor amaki, it va mushuk” kabi bolalar kitoblari sharofati bilan tanilgan. Ushbu personajlar haqidagi multfilmlarga ssenariynavislik qilgan.
Uning asarlari va ssenariylari asosida 60 dan ortiq multfilmlar yaratilgan, ular orasida “Antoshka”, “Quvnoq karusel”, “Au amaki” va boshqalar bor.
Izoh (0)