Butun dunyo bo‘ylab Xitoy yuanidan tortib, Argentina pesosigacha bo‘lgan rivojlanayotgan mamlakatlar valyutalari kurslari pasayib bormoqda, deb yozadi Meduza. Buning o‘zi yangilik emas — dollar ularga nisbatan kamida yil boshidan buyon mustahkamlanib bormoqda.
Ammo avgustda silliq pasayish keskin qulashga o‘tdi. Masalan, turk lirasi bir kunda 18 foizga (bir yilda — 45 foizga) tushdi. Bu ham Turkiya iqtisodiyotidagi kamchiliklarga, ham Turkiyaning AQSh bilan nizosiga aloqador.
Investorlar Donald Tramp boshqa mamlakatlar bilan muzokaralarni qanchalik qattiq olib borayotganini ko‘rib, mahalliy valyutalarni sotmoqda. Bularning barchasi esa hatto AQSh bilan janjallashmagan Indoneziya, Argentina, Janubiy Afrika, Hindiston va boshqa rivojlanayotgan mamlakatlar valyutalarining pasayishiga olib kelmoqda (investorlar hadiksirab, xatarli aktivlardan qochmoqda).
Ba’zilar bunda 1998-yilgi inqirozning takrorlanishiga ishorani ko‘rmoqda, ayrimlar esa hech qanday qo‘rqinchli narsa yo‘qligi, global inqiroz bo‘lmasligini aytmoqda.
Izoh (0)