АҚШ қуролли кучлари томонидан Афғонистоннинг Ҳелманд вилоятида берилган авиазарбалар оқибатида «Толибон» жангари ҳаракатининг 19 нафар аъзоси йўқ қилинди. Бу ҳақда «РИА Новости» хабар бермоқда.
Маҳаллий амалдорларнинг сўзларига кўра, жангариларнинг Наҳр Сирож туманидаги марраларига зарбалар берилган. Ҳужум натижасида жангариларнинг бир қисм қуроллари ҳам йўқ қилинган.
Маълумот учун, АҚШ 2001 йили Афғонистонда жанговар аксилтеррор операциясини бошлаган эди, кейинчалик мамлакатга БМТ Хавфсизлик кенгаши рухсати билан хавфсизликни таъминлаш бўйича НАТО бошлиқ халқаро кучлар (ИСАФ) киритилган эди. АҚШ ва ИСАФ қўмондонлигидаги халқаро аксилтеррор коалицияси Афғонистонда «Толибон» ҳаракати ва «Ал-Қоида» террорчилик ташкилоти жангариларига қарши кураш олиб борди.
2014 йили НАТО мамлакатларининг жанговар контингенти Афғонистондан олиб чиқилди, 2015 йил 1 январидан жанговар опреация ўрнини ноҳарбий «Қатъий кўмак» миссияси эгаллади.
Изоҳ (0)