Afg‘oniston janubida AQSh aviazarbasi natijasida “Tolibon”ning 19 jangarisi yo‘q qilindi

AQSh qurolli kuchlari tomonidan Afg‘onistonning Helmand viloyatida berilgan aviazarbalar oqibatida “Tolibon” jangari harakatining 19 nafar a’zosi yo‘q qilindi. Bu haqda “RIA Novosti” xabar bermoqda.

Mahalliy amaldorlarning so‘zlariga ko‘ra, jangarilarning Nahr Siroj tumanidagi marralariga zarbalar berilgan. Hujum natijasida jangarilarning bir qism qurollari ham yo‘q qilingan.

Ma’lumot uchun, AQSh 2001-yili Afg‘onistonda jangovar aksilterror operatsiyasini boshlagan edi, keyinchalik mamlakatga BMT Xavfsizlik kengashi ruxsati bilan xavfsizlikni ta’minlash bo‘yicha NATO boshliq xalqaro kuchlar (ISAF) kiritilgan edi. AQSh va ISAF qo‘mondonligidagi xalqaro aksilterror koalitsiyasi Afg‘onistonda “Tolibon” harakati va “Al-Qoida” terrorchilik tashkiloti jangarilariga qarshi kurash olib bordi.

2014-yili NATO mamlakatlarining jangovar kontingenti Afg‘onistondan olib chiqildi, 2015-yil 1-yanvaridan jangovar opreatsiya o‘rnini noharbiy “Qat’iy ko‘mak” missiyasi egalladi.