АҚШнинг Ўзбекистондаги элчихонаси ёшлар учун маҳорат дарсларини ташкил қилиш учун Next Level ҳип-ҳоп гуруҳини Тошкентга таклиф қилди. Гуруҳ 16 август, пайшанба куни соат 19:00 да Туркистон Open Air ёзги саҳнасида концерт беради. Бу ҳақда элчихона матбуот хизмати «Дарё»га хабар бермоқда.
Маълум қилинишича, чипталар бепул тарқатилади. Ҳар бир кишига 4 та чипта берилади. Бепул чипталарни Марказий темирйўлчилар маданият саройи ва АҚШ элчихонасидан олиш мумкин.
Концертда таниқли ўзбек хонандалари, рэпер Шоҳруҳ, DJ Piligrim, DJ Bella, шунингдек, ҳафта давомида Марказий темирйўлчилар маданият саройида ўтказилган ҳип-ҳоп машғулотлари иштирокчилари қатнашади.
Гуруҳ аъзолари: Лино Делгажо 30 йилдан ортиқ тажрибага эга рақс устаси; Майкл Доттин — продюсер, рассом ва тадбиркор; Даҳлак Братвейт — мусиқачи, актёр, шоир ва муаллим; Princess Cut — кўплаб мамлакатларга саёҳат қилган атланталик DJ; Маҳогани Жоунс — овоз ёзиш ва саҳна устаси, фаол жамоатчи; Жуниус Ҳаус — қатор муокофотлар соҳиби, рақс муаллими, Next Level раҳбарларидан бири.
Изоҳ (0)