AQShning O‘zbekistondagi elchixonasi yoshlar uchun mahorat darslarini tashkil qilish uchun Next Level hip-hop guruhini Toshkentga taklif qildi. Guruh 16-avgust, payshanba kuni soat 19:00 da Turkiston Open Air yozgi sahnasida konsert beradi. Bu haqda elchixona matbuot xizmati “Daryo”ga xabar bermoqda.
Ma’lum qilinishicha, chiptalar bepul tarqatiladi. Har bir kishiga 4 ta chipta beriladi. Bepul chiptalarni Markaziy temiryo‘lchilar madaniyat saroyi va AQSh elchixonasidan olish mumkin.
Konsertda taniqli o‘zbek xonandalari, reper Shohruh, DJ Piligrim, DJ Bella, shuningdek, hafta davomida Markaziy temiryo‘lchilar madaniyat saroyida o‘tkazilgan hip-hop mashg‘ulotlari ishtirokchilari qatnashadi.
Guruh a’zolari: Lino Delgajo 30 yildan ortiq tajribaga ega raqs ustasi; Maykl Dottin — prodyuser, rassom va tadbirkor; Dahlak Bratveyt — musiqachi, aktyor, shoir va muallim; Princess Cut — ko‘plab mamlakatlarga sayohat qilgan atlantalik DJ; Mahogani Jouns — ovoz yozish va sahna ustasi, faol jamoatchi; Junius Haus — qator muokofotlar sohibi, raqs muallimi, Next Level rahbarlaridan biri.
Izoh (0)