Жорий йилда сотувга чиққан Samsung Galaxy S9 муваффақиятсизликка учради, шу сабабли Galaxy S10 ни яратишда компания барча хатоларни ҳисобга олди, деб ёзади «Akket.com».
Янги флагманнинг тақдимотига ҳали ярим йил бўлса-да, ишончли манбалар у ҳақдаги деярли барча тафсилотларни маълум қилиб бўлди. Уларнинг ҳаммаси бир жойга тўпланса, Galaxy S10 дунёдаги энг яхши смартфон эканлигига гувоҳ бўлиш мумкин, дейилади хабарда.
Биринчи ўринда унинг маҳсулдорлик даражаси тилга олинган, унинг ҳар қандай вазифаларни ечишга етиши қайд этилган. Смартфоннинг учталик асосий камераси, 6,4 дюймли Super AMOLED экрани алоҳида таъкидлаб ўтилган.
Galaxy S10 га 3D Face юз сканери ўрнатилади. Уни ёқтирмаганлар ультратовушли бармоқ изи сканеридан фойдаланиши мумкин.
Смартфон 2019 йил январь февралида расман тақдим этилиши кутилмоқда. Унинг нархи ҳақида ҳозирча ҳеч қандай маълумот йўқ.
Изоҳ (0)