Жанубий Кореянинг Куми шаҳрида сохта диний удум чоғида ёпиқ тобутда аёл киши нафаси бўғилиб ўлиб қолди, деб ёзади The Telegraph.

Фото: Global Look Press

Аёл тобутда ўтказилган бир кеча уни ёвуз руҳлардан тозалаб, унга омад келтиришига умид қилган эди. Маросимда унинг дугоналари ҳам ўз тобутлари билан қатнашган.

Уч аёл 2 август, пайшанба уни кечқурун 8:00 атрофида тобутларга кириб олган. Тахминан икки соатлардан кейин улардан бири нафас олишга қийналаётганидан шикоят қила бошлаган. У тобутдан чиқишга уринган, аммо танишлари уни чидашга кўндирган.

Эрталаб дугоналардан бири уйғониб, қутидан чиққан ва қолганларни текшириб кўришга қарор қилган. У тобутларнинг қопқоғини очиб, аёллардан бири қаттиқ ухлаб ётганини, икинчиси ўлиб қолганини кўрган.