Айни дамда Равшан Хайдаров бошчилигидаги футбол бўйича Ўзбекистон олимпия терма жамоаси Индонезияда бўлиб ўтадиган Осиё ўйинларида иштирок этиш учун Тошкентда йиғилиб, машғулот ўтказмоқда.
Суннатилло Абдурасулов бошчилигида Ўзбекистон олимпия терма жамоасига номзод футболчилар эса айни кунларда Вьетнамдаги Vinaphone—2018 халқаро мусобақасида иштирок этмоқда.
1-тур ўйинида Уммон олимпия терма жамоасига қарши майдонга тушиб, дуранг қайд этган ўзбекистонлик олимпиячилар 2-ўйинда Фаластин олимпия терма жамоасига мағлуб бўлди. Фаластинликлар томонидан киритилган 2 та голга Ўзбекистон олимпия терма жамоаси 1 та гол билан жавоб бера олди. Гол муаллифи Нурилло Тўхтасинов.
Ўзбекистон термаси мусобақадаги сўнгги ўйинни 7 август куни мусобақа мезбони Вьетнамга қарши ўтказади.
Изоҳ (0)