Каталониянинг «Барселона» жамоаси Мюнхеннинг «Бавария»сидан чилилик ярим ҳимоячи Артуро Видални ўз сафига қўшиб олганини расман эълон қилди.
Қайд этилишича, Видаль билан 3 йиллик шартнома имзоланади. 31 ёшли чилилик яқин орада «Барселона» учун тиббий кўрикдан ўтиш учун Каталонияга етиб келади.
Шартноманинг молиявий томонлари ошкор этлиганича йўқ. Аввалроқ ОАВларда «Барса»нинг мазкур трансфер учун 20 миллион евро тўлаши ҳақида хабарлар берилганди.
Видаль «Бавария» сафида 3 мавсум ўйин ўтказди. Шу даврда у 124 та ўйин ўтказиб, 22 та гол урди ҳамда 18 та голли узатмани амалга оширди. 3 бор Германия чемпионлигини, 1 марта мамлакат кубоги ва 2 марта Германия суперкубогини ютишга эришди.
Артуро бунгача эса Европанинг «Ювентус» ҳамда «Байер» жамоаларида ҳам тўп сурган.
Изоҳ (0)