Ўзбекистон бош вазири ўринбосари Азиз Абдуҳакимов давлат олий таълим муассасаларига кириш тест имтиҳонларининг 2 августдаги жараёнларига доир бир қатор рақамларни эълон қилди.
Тест синовлари шахсни идентификациялаш воситалари, видеофиксация ҳамда доимий видеокузатув қурилмалари билан жиҳозланган 57 та бинода 23 та олий таълим муассасаларининг 71 та таълим йўналиши бўйича ўтказилди.
Тест синовларида 58 202 нафар абитуриент иштирок этди. Тест синовларига 2 883 нафар абитуриент келмади. Тест синовлари тартиб қоидаларини бузганлиги сабабли 157 нафар абитуриент тест синовларидан четлаштирилди.
2 август кунги имтиҳонларда давлат гранти бўйича энг юқори ўтиш бали 197,0 ни ташкил этди (Тошкент давлат ўзбек тили ва адабиёти университетининг «Филология ва тилларни ўқитиш: ўзбек тили» таълим йўналиши); тўлов-контракт бўйича энг юқори ўтиш бали ҳам Тошкент давлат ўзбек тили ва адабиёти университетининг «Филология ва тилларни ўқитиш: ўзбек тили» таълим йўналишида — 168,6 балл.
2 август куни бўлиб ўтган тест имтиҳонларида ўртача ўтиш балли давлат грантига – 135,9 балл, тўлов-контракт бўйича 116,8 баллни ташкил этди. «2 августдаги тест синовлари натижалари Давлат тест марказининг http://www.dtm.uz/page/test_result саҳифасида 3 август куни соат 19:30дан эълон қилинади», — деб ёзади Азиз Абдуҳакимов.
Изоҳ (0)