Россия «Аргументи и факти» мухбири Сергей Грачев ўлик ҳолда топилди

Россиянинг Нижний Новгород шаҳрида «Аргументи и факти» мухбири Сергей Грачев ўлик ҳолда топилди. Бу ҳақда шаҳар қидирув-қутқарув гуруҳи маълумотига таяниб, Meduza хабар бермоқда.

«Аргументи и факти» ҳозирча воқеа бўйича ҳеч қандай расмий маълумотларга эга эмаслигини маълум қилган.

38 ёшли журналист Сергей Грачев Нижний Новгород шаҳрига хизмат сафарига борган. Журналистни охирги марта 21 июль куни «Sheraton» меҳмонхонасидан чиқаётганида кўришган.

27 июль куни шаҳар тергов қўмитасида журналистнинг бедарак йўқолгани бўйича жиноий иш очилган.